ადამიანის არსებაში შეთავსებულია ადამიანური, ცხოველური და ღვთაებრივი ბუნება, და მათ შორის გარდაუვალ ბრძოლაში ბატონობისთვის, თქვენ უნდა შეაკავოთ ადამიანური და უფრო დაბალი ცხოველური ბუნების გამოვლინება, და უზრუნველყოთ გამარჯვება ღმერთისთვის. ადამიანმა უნდა იცოდეს, რომ სამყაროს საფუძველს წარმოადგენს ღმერთი. თქვენ სამყაროსთან ერთიანი ხართ. თქვენ ერთი უნიკალური ორგანიზმის ნაწილს წარმოადგენთ. ასეთი კოსმოსური ხედვა მიიღწევა როგორც კოსმოსის გარე დაკვირვების შედეგად, ასევე საკუთარი შინაგანი რეალობის გამოკვლევის შედეგად. მთავარია აღმოაჩინო და შეიცნო საკუთარი თავი. სხეულის ციტადელში იმყოფება გულის ლოტოსისებრი ტაძარი შინაგანი ფაქიზი სივრცით (აკაშით), სადაც არის ცა და დედამიწა, ცეცხლი და ჰაერი, მზე და მთვარე, ვარსკვლავები და პლანეტები – ის ყველაფერი, რაც გარე აღქმულ სამყაროშია და ის ყველაფერი, რაც იცავს მას, და რაშიც იგი ეშვება. იმის მაგიერ, კოსმოსში დედამიწის გარშემო დაფრინავდეს და მთვარეზე ან მარსზე დაჯდომას გეგმავდეს, ადამიანი თავისი თავის შიგნით მოგზაურობისთვის რომ მომზადებულიყო, რა ამაღლებული სიხარულის და სიმშვიდის დაუფლებას შეძლებდა იგი! სსბ
  © 2018 ყველა უფლება დაცულია Created by Studio SPAR.GE